"Aston Villa" hujumkor yarim himoyachisi Xarvi Elliott muddatidan avval "Liverpul"ga qaytadigan bo‘ldi. Bu haqda TEAMtalk xabar bermoqda.
Manbaga ko‘ra, "Aston Villa" "Liverpul" bilan bog‘lanib, yanvar oyida Elliottni ortga qaytarish niyatida ekanini ma’lum qilgan. Birmingem klubi 22 yoshli xavbekni 40 million evaziga sotib olish opsiyasini faollashtirmaydi. Manbaga ishonadigan bo‘lsak, mersisaydliklar Eliottni yangi ijaraga yuborishmaydi, undan Muhammad Saloh o‘rniga foydalanishmoqchi.
Joriy mavsumda Elliot "Aston Villa" safida bor yo‘g‘i 5 ta o‘yinda maydonga tushdi va 1 ta gol urishga erishdi. Qo‘shimcha qilish joiz, yarim himoyachining "Liverpul" bilan shartnomasi 2027 yilning yozigacha mo‘ljallangan.
