"Милан"нинг хорватиялик ярим ҳимоячиси Лука Модрич болалигидаёқ Италия клубини қўллаб-қувватлаганини тан олди. Модрич "россонерилар" сафига ёзги трансфер ойнасида келиб қўшилди.
"Мен бахтлиман, чунки Италиянинг энг йирик клубида ўйнайман. Миланда бўлиб, "россонери" футболкасини кийган ҳар бир кунимдан завқланаман. "Реал"да бўлганимда ҳеч қачон "Милан"га кела оламан деб ўйламагандим, лекин ҳаётда баъзида сиз кутмаган воқеалар бўлиб туради.
Бу амалга ошган орзу эди, чунки ёшлигимдан "Милан" мухлиси бўлганман", - дея Модричнинг сўзларини келтиради La Gazzetta dello Sport.
