"Барселона" ҳимоячиси Херард Мартин бетобликдан тўлиқ фориғ бўлди ва Испания чемпионатининг 16-туридан ўрин олган "Осасуна"га қарши ўйинда майдонга тушишга тайёр бўлади, деб хабар берди журналист Карлос Монфорт.
Манбага кўра, 23 ёшли испаниялик 11 декабрь куни жамоа билан машғулот ўтказмаган. 12 декабрь куни эрталаб у "Барселона" машғулот базасига етиб келди.
2025/26-йилги мавсумда ҳимоячи "Барселона"нинг чемпионатдаги 14 та ўйинидан тўққизтасида ва Чемпионлар лигаси умумий босқичининг олтита ўйинидан учтасида асосий таркибда майдонга тушди.
"Барселона" 13 декабрь куни "Осасуна"ни қабул қилади.
