Миср терма жамоасининг собиқ ҳужумчиси Мидо Муҳаммад Салоҳ клуб билан зиддият фонида "Ливерпуль"ни тарк этиши керак, деб ҳисобламоқда.

- Менимча, у кетиши керак. Жамоани тарк этиш вақти келди. Бош мураббийнинг ишончини йўқотсанг, вазиятни тўғрилаш қийин.

Лекин у чиройли кетиши керак, агар гапимни тушунаётган бўлсангиз. У "Ливерпуль" учун кўп иш қилди. У афсона.

Жейми Каррагернинг бу ҳолат бўйича билдирган фикрларига мутлақо қўшилмайман. Каррагер - "Ливерпуль" афсонаси. Унинг ўзи футбол ўйнаган ва вазиятни яхшироқ тушуниши керак.

Футболчилар баъзида ҳис-туйғуларга берилиб кетишади, кейин эса фаолиятини якунлагач, баъзида бундан афсусланишади. Ҳаммамиз шунга ўхшаш вазиятга тушиб қолганмиз.

"Ливерпуль" афсоналари Салоҳни бироз ҳимоя қилишини кутганди. У "Ливерпуль"да ўйнаган уч ёки тўртта энг яхши футболчидан бири бўлиши мумкин. У "Ливерпуль" афсоналари, айниқса, Жейми Каррагер томонидан кўпроқ ҳурматга лойиқ," - деди Мидо.