Misr terma jamoasining sobiq hujumchisi Mido Muhammad Saloh klub bilan ziddiyat fonida "Liverpul"ni tark etishi kerak, deb hisoblamoqda.

- Menimcha, u ketishi kerak. Jamoani tark etish vaqti keldi. Bosh murabbiyning ishonchini yo‘qotsang, vaziyatni to‘g‘rilash qiyin.

Lekin u chiroyli ketishi kerak, agar gapimni tushunayotgan bo‘lsangiz. U "Liverpul" uchun ko‘p ish qildi. U afsona.

Jeymi Karragerning bu holat bo‘yicha bildirgan fikrlariga mutlaqo qo‘shilmayman. Karrager - "Liverpul" afsonasi. Uning o‘zi futbol o‘ynagan va vaziyatni yaxshiroq tushunishi kerak.

Futbolchilar ba’zida his-tuyg‘ularga berilib ketishadi, keyin esa faoliyatini yakunlagach, ba’zida bundan afsuslanishadi. Hammamiz shunga o‘xshash vaziyatga tushib qolganmiz.

"Liverpul" afsonalari Salohni biroz himoya qilishini kutgandi. U "Liverpul"da o‘ynagan uch yoki to‘rtta eng yaxshi futbolchidan biri bo‘lishi mumkin. U "Liverpul" afsonalari, ayniqsa, Jeymi Karrager tomonidan ko‘proq hurmatga loyiq," - dedi Mido.