Мадриднинг «Реал» клуби Туриннинг «Ювентус» жамоаси ҳимоячиси Жоржо Кьеллини трансфери учун таклиф жўнатишга тайёрланмоқда. Бу ҳақда «La Gazzetta dello Sport» нашри хабар тарқатди.
Манбанинг маълум қилишича, мадридликлар Италия терма жамоаси ҳимоячиси учун 22 миллион евро беришга тайёрлар. Футболчи «Манчестер Сити»га кетиши мумкин бўлган Пепенинг ўрнини эгаллаши мумкин.
Маълумот ўрнида, бир муддат муқаддам Кьеллини «Ювентус» билан шартномасини узайтирганди.