«Милан»нинг 40 ёшли ярим ҳимоячиси Лука Модрич жамоа бош мураббийи Массимилиано Аллегри ҳақида фикр билдирди.

«У ғолиблик руҳиятига эга бўлган ажойиб мураббий. У билан ишлаш менга ёқади, у мени характери билан ҳайратга солди. Аллегрида кийиниш хонасида ижобий муҳит яратишнинг ҳайратланарли қобилияти бор, чунки у буюк чемпионлар билан ишлашга ўрганган. Массимилиано тўлиқ куч билан ўйнашга ёрдам беради ва хотиржамликни сақлайди, шу боис зарур ишни бажариш осон бўлади», — деб Модричнинг сўзларини Football Italia келтиради.

Италия А Сериясида 14 та ўйиндан сўнг «Милан» 31 очко тўплаб, турнир жадвалида пешқадамлик қилмоқда. Келаси турда Аллегри жамоаси 14 декабрь куни «Сассуоло»га қарши майдонга тушади.