"Ливерпуль" ҳужумчиси Муҳаммад Салоҳ Англия Премьер-лигасининг 16-туридан ўрин олган "Брайтон"га қарши ўйин қайдномасига киритилди, дея хабар бермоқда Sky Sports.
Бу қарор футболчи ва бош мураббий Арне Слот ўртасида бугун, 12 декабрь куни бўлиб ўтган суҳбатдан сўнг қабул қилинди.
Ҳужумчи "Ливерпуль"нинг сўнгги 4 ўйинида асосий таркибда майдонга тушмаган ва ўтган дам олиш кунлари "Лидс"га қарши ўйинда захирада қолиб кетганидан сўнг, Салоҳ клуб ва мураббийни танқид қилиб, ўйин вақти асоссиз равишда қисқартирилганидан шикоят қилди. Натижада, ҳужумчи Чемпионлар Лигаси умумий босқич 6-туридан ўрин олган Миланнинг "Интер" (1:0) клубига қарши ўйин қайдномасидан четлатилди.
