"Челси" январь ойида катта трансферлар амалга оширишни режалаштирмаяпти.
Лондон гранди жароҳатлар туфайли таркиб билан муаммоларга дуч келмоқда, бироқ жавобгарлик бош мураббий Энцо Мареска зиммасида - унинг вазифасига ротация сиёсатини тўғри амалга ошириш киради, деб ёзади журналист Киран Жилл. Клуб раҳбарияти жамоани сезиларли кучайтиришга ҳожат йўқ деб ҳисобламоқда, шунинг учун қишки трансфер ойнасида харидлар учун катта харажатлар кўзда тутилмаган.
"Челси" Англия Премьер-лигасининг 15-туридан кейин 25 очко билан мусобақа жадвалида бешинчи ўринда бормоқда. Бугун "кўклар" чемпионат доирасида ўз майдонида "Эвертон"га қарши баҳс олиб боради.
