Мадриднинг "Реал" клуби бош мураббийи Хаби Алонсо ишдан бўшатилиш хавфи остида.

Миш-мишларга ишонадиган бўлсак, Ла Лиганинг "Алавес"га қарши ўйинидаги муваффақиятсизлик "қаймоқранглилар" раҳбариятини испаниялик мутахассисни истеъфога чиқаришга мажбур қилади. Унинг ўрнига асосий номзод сифатида 2021 йилда "Реал"ни тарк этганидан бери мураббийлик қилмаётган Зинедин Зидан кўрсатилмоқда. Инсайдер Фабрицио Романонинг маълум қилишича, айни дамда "қироллик клуби" франциялик мутахассиснинг қайтиши борасида ҳеч қандай музокара ўтказмаяпти.

Хаби Алонсо июнь ойида мадридликлар бошқарувига келган, бунгача жамоани тўрт йил давомида Карло Анчелотти бошқарган.