Лондоннинг "Челси" клубига тегишли бўлган ҳужумкор ярим ҳимоячи Михаил Мудрик фаолиятини Туркия Суперлигасида давом эттириши мумкин. Бу ҳақда Eagle Media журналистлари хабар бермоқда.
Манбага кўра, украиналик футболчининг трансферига Истанбулнинг "Бешиктош" клуби қизиқиш билдирмоқда. "Бургутлар" футболчининг тўлақонли трансферини расмийлаштиришни режалаштирмоқда.
Эслатиб ўтамиз, Мудрик допинг можаросидан сўнг узоқ вақтни ўтказиб юборган эди.
2024/2025 йилги мавсумда украиналик вингер "аристократлар"нинг 15 та ўйинида қатнашиб, ўз ҳисобига учта гол ва бешта голли узатмани ёздириб қўйди.
