"Ливерпуль" афсонаси Стивен Жеррард Мерсисайд топ-клубига қайтиши мумкин.
Football Insider хабарига кўра, мутахассис нидерландиялик Арне Слот жамоа бош мураббийлигидан истеъфога чиқарилган тақдирда "қизиллар"ни бошқаришга тайёр.
Журналистларнинг таъкидлашича, клуб ичида Жеррардни жамоа мураббийи вазифасини бажарувчи этиб тайинлаш бўйича музокаралар ўтказилган.
Слот 2024 йилнинг ёзида германиялик мураббий Юрген Клопп ўрнига "Ливерпуль" бошқарувини эгаллади. Арненинг клуб билан шартномаси 2027 йилнинг июнь ойи охирида тугайди.
Нидерландиялик мураббий қўл остида "қизиллар" ўтган мавсум Англия чемпионига айланди.
