"Манчестер Юнайтед" бош мураббийи Рубен Аморим Англия Премьер-лигасининг 16-туридан ўрин олган "Борнмут"га қарши ўйин олдидан жамоасининг жароҳат олган футболчилари ҳолати ҳақида гапирди.
- Харри Магуайр сафдан чиқди, де Лигт ҳам. Менимча, унинг белида нимадир бор, аниқ билмайман. Беньямин Шешко масаласига келсак, кўрамиз. У ўйнай оладими ёки йўқми, аниқлаб олишимиз керак. У овқатдан заҳарланган эди. Келинг, кутамиз. Бизда яна иккита машғулот бор. Магуайр ва де Лигт ҳозирча машғулот ўтказмаяпти, Беньяминни баҳолаймиз," - дея Аморимнинг сўзларини келтиради клуб расмий сайти.
"Манчестер Юнайтед" Англия чемпионатида 15 та ўйин ўтказиб, очколари сонини 25 тага етказиб олди ва турнир жадвалида олтинчи ўринда бормоқда.
