Римнинг "Лацио" клуби "Милан"нинг англиялик ярим ҳимоячиси Рубен Лофтус-Чикка қизиқиш билдирмоқда. Бу ҳақда Италиянинг Il Messagero нашри хабар берди.
Маурицио Сарри "Челси" устози бўлган вақтида футболчи билан бирга ишлаган ва унинг қобилиятларини юқори баҳолайди. Манбанинг аниқлик киритишича, Лофтус-Чикка Италиянинг амалдаги чемпиони "Наполи" ҳам қизиқмоқда. Ҳозирча эҳтимолий битимлар тафсилотлари маълум қилинмаяпти.
Эслатиб ўтамиз, ярим ҳимоячи 2023 йилдан буён ҳозирги жамоасида тўп тепиб келмоқда, у Италияга Англия чемпионатидан кўчиб ўтган. Ҳозирда "Милан" А Серия турнир жадвалида пешқадамлик қилмоқда, жамоа кейинги турда "Сассуоло" билан ўйнайди.
