Миланнинг "Интер" клуби президенти лавозимида ишлаб келаётган Жузеппе Маротта трансферлар ҳақидаги саволга жавоб берди.
"Нерадзурри" раҳбарининг сўзларига кўра, клуб январь ойида янги трансферлар қилиши мумкин, аммо йирик битимларни кутиш керак эмас.
"Биз бозордаги вазиятни диққат билан кузатиб боряпмиз. Агар январь ойида қандайдир имкониятлар пайдо бўлса, албатта, улардан фойдаланамиз. Аммо шуни айтишим керакки, ҳозирги таркиб бизнинг режаларимиз ва мураббий талабларига тўлиқ жавоб беради. Мен ҳеч қандай шов-шувли трансферларни кутмаяпман," - деди Маротта.
"Интер" А Серия 14-туридан кейин "Милан" ва "Наполи"дан 1 очко ортда қолган ҳолда турнир жадвалида учинчи ўринда бормоқда.
