"Манчестер Сити" ҳужумчиси Эрлинг Холанд Криштиану Роналдудан илҳомланяптими, деган саволга жавоб берди.
"Албатта. Ўйлайманки, сайёрадаги ҳар бир футболчи учун Криштиану ва Лионель Месси энг яхши лигаларда 15 йил давомида энг юқори даражани кўрсатиш учун нима қилиш кераклиги, қандай ўйнаш кераклиги ҳақида намуна бўла олади.
Иккаласи ҳам илҳомлантиради. Балки Криштиану бизга қилаётган ишлари ҳақида бироз кўпроқ маълумот берар. Қаранг, у ўз танасига қандай ғамхўрлик қиляпти! Бу жуда ажойиб.
У 40 ёшда. Унинг бу ёшда ҳам ўйнай олиши ақл бовар қилмайдиган ҳолат. Бунинг уддасидан чиққани учун унга ҳар қанча ҳурмат кўрсатсак арзийди. Бу осон эмас", - деди Эрлинг.
