"Manchester Siti" hujumchisi Erling Xoland Krishtianu Ronaldudan ilhomlanyaptimi, degan savolga javob berdi.

"Albatta. O‘ylaymanki, sayyoradagi har bir futbolchi uchun Krishtianu va Lionel Messi eng yaxshi ligalarda 15 yil davomida eng yuqori darajani ko‘rsatish uchun nima qilish kerakligi, qanday o‘ynash kerakligi haqida namuna bo‘la oladi.

Ikkalasi ham ilhomlantiradi. Balki Krishtianu bizga qilayotgan ishlari haqida biroz ko‘proq ma’lumot berar. Qarang, u o‘z tanasiga qanday g‘amxo‘rlik qilyapti! Bu juda ajoyib.

U 40 yoshda. Uning bu yoshda ham o‘ynay olishi aql bovar qilmaydigan holat. Buning uddasidan chiqqani uchun unga har qancha hurmat ko‘rsatsak arziydi. Bu oson emas", - dedi Erling.