"Гремио" жамоа бош мураббийи лавозимига Луиш Каштру тайинланганини эълон қилди.
64 ёшли португалиялик билан шартнома 2 мавсумга мўлжалланган - 2027 йил охиригача.
"Гремио" аввалги мавсум якунларига кўра, Бразилия А Серияси турнир жадвалида 9-ўринни эгаллаган эди.
Каштрунинг сўнгги иш жойи БААнинг "Ал-Васл" клуби эди. Бунгача у "Ан-Наср", "Ботафого", "Ал-Дуҳайл", "Шахтёр" ва бошқа клубларга устозлик қилган.













