"Ливерпуль"нинг чап қанот ҳимоячиси Милош Керкез жамоадаги муҳит ҳақидаги саволга жавоб берди.

Мерсисайдликлар жорий мавсумда муваффақиятсиз натижалар қайд этмоқда. Яқинда кўплаб муаммолар қаторига Муҳаммад Салоҳнинг клуб ва мураббий Арне Слотдан норозилигини очиқчасига билдиргани билан боғлиқ можаро ҳам қўшилди.

"Бизнинг жамоамиз жуда аҳил, бир-биримизга яқинмиз. Ҳамма, шу жумладан, мен ҳам вазиятни яхши томонга ўзгартириш истаги билан ёнмоқдаман. Биз ҳаммамиз буни жуда хоҳлаймиз ва биз буни қилишимиз керак," - деди 22 ёшли венгриялик Sky Sports билан суҳбатда.

Милош Керкез ўтган ёзда "Борнмут"дан "Ливерпуль"га ўтганди. Трансфер қиймати қарийб 47 млн еврони ташкил этган.