"Liverpul"ning chap qanot himoyachisi Milosh Kerkez jamoadagi muhit haqidagi savolga javob berdi.
Mersisaydliklar joriy mavsumda muvaffaqiyatsiz natijalar qayd etmoqda. Yaqinda ko‘plab muammolar qatoriga Muhammad Salohning klub va murabbiy Arne Slotdan noroziligini ochiqchasiga bildirgani bilan bog‘liq mojaro ham qo‘shildi.
"Bizning jamoamiz juda ahil, bir-birimizga yaqinmiz. Hamma, shu jumladan, men ham vaziyatni yaxshi tomonga o‘zgartirish istagi bilan yonmoqdaman. Biz hammamiz buni juda xohlaymiz va biz buni qilishimiz kerak," - dedi 22 yoshli vengriyalik Sky Sports bilan suhbatda.
Milosh Kerkez o‘tgan yozda "Bornmut"dan "Liverpul"ga o‘tgandi. Transfer qiymati qariyb 47 mln yevroni tashkil etgan.
