Лиссабоннинг "Спортинг" клуби марказий ҳимоячи Гонсалу Инасиу билан янги меҳнат шартномасини имзолади. Тегишли маълумот Португалия жамоасининг расмий сайтида пайдо бўлди.
Янги шартномага кўра, 24 ёшли ҳимоячи 2030 йилнинг ёзигача "Спортинг" шарафини ҳимоя қилади.
Жорий мавсумда Инасиу барча мусобақаларда 19 та ўйинда майдонга тушиб, 2 та голли узатмани ўз ҳисобига ёздириб қўйди. Унинг жамоаси Португалия чемпионатининг 13-туридан кейин 32 очко билан турнир жадвалида иккинчи ўринда бормоқда. Биринчи ўринда 37 балл билан "Порту" бормоқда.
