Диего Симеоне бошчилигидаги "Атлетико" Испания чемпионатининг 16-турида "Валенсия"ни мағлуб этди (2:1). Учрашув 13 декабрь, шанба куни Мадриддаги "Цивитас Метрополитано" стадионида бўлиб ўтди.
55 ёшли Симеоне учун бу ғалаба Ла Лигадаги мураббий сифатидаги 324-ғалаба бўлди. У ушбу кўрсаткич бўйича Мигель Муньосни (323 ғалаба) ортда қолдириб, иккинчи ўринга кўтарилди. Рейтингнинг биринчи поғонасини Луис Арагонес (344 ғалаба) эгаллаб турибди.
Симеоне "Атлетико"ни 2011 йилдан буён бошқариб келмоқда. Жамоа билан биргаликда у икки марта Испания чемпионлигини қўлга киритди. Ла Лиганинг жорий мавсумида мадридликлар 34 очко билан турнир жадвалида тўртинчи ўринда бормоқда.
