"Арсенал" бош мураббийи Микель Артета ҳимоячи Бен Уайтнинг жароҳатланганини тасдиқлади. 28 ёшли инглиз футболчиси АПЛнинг 16-турида "Вулверхэмптон"га қарши ўтказилган уй ўйинининг (2:1) биринчи бўлимида алмаштирилди.
"У тиззасидаги олдинги муаммо туфайли кўп дақиқа ўйнай олмади. У ўйин формасига кира бошлаганида, бошқа иложимиз бўлмагани учун кўп ўйнашига тўғри келди. Ҳатто бугун Виллини (Вильям Салиба - таҳр.) таваккал қилишга мажбур бўлдик, чунки унинг учун 90 дақиқа ўйнаш энг яхши ғоя эмасди", - деди испаниялик мураббий матбуот анжуманида.
2025/26 йилги мавсумда Уайт барча мусобақаларда 11 та ўйинда иштирок этиб, 1 та голли узатма берди. 2024/25 йилги мавсумда эса у жароҳатлар туфайли "Арсенал"нинг 27 та ўйинини ўтказиб юборган эди.
