"Манчестер Сити" бош мураббийи Хосеп Гвардиола жамоасининг Англия чемпионатида "Кристал Пэлас"га қарши ўйиндаги ғалабаси ҳақида фикр билдирди.
Учрашув 14 декабрь куни бўлиб ўтди ва 3:0 ҳисобида якунланди.
- Бу ҳақиқатан ҳам сафар ўйинлари учун жуда қийин манзил. Тўпни йўқотганимизда рақиб жуда хавфли ҳужум қилади, лекин биз сабр қилдик. Уортон дарвоза устунини пойлаган эпизодда омадимиз келди, аммо мен ўз ўйинимиз ва ғалабамиздан жуда мамнунман - бу менталитетимизни мустаҳкамлашга ёрдам беради," - деди мутахассис.
"Манчестер Сити" ҳисобида 34 очко мавжуд бўлиб, Англия чемпионати турнир жадвалида 2-ўринда бормоқда.
