"Ювентус" ярим ҳимоячиси Кефрен Тюрам Миланнинг "Интер" клубига ўтиши мумкин.
"Нерадзуррилар" келаси ёзда майдон марказини кучайтириш ниятида ва "кекса синьора" хавбеки номзодлар қаторида бор, дея хабар бермоқда Gazzetta dello Sport. Эслатиб ўтамиз, "Интер" сафида Кефреннинг акаси, ҳужумчи Маркус Тюрам тўп тепмоқда.
Кичик Тюрамнинг нархи Transfermarkt портали томонидан 40 млн еврога баҳоланмоқда. Жорий мавсумда 24 ёшли футболчи туринликлар сафида 18 та ўйинда майдонга тушди ва 1 та гол ҳамда 2 та голли узатмага муаллифлик қилди. Франциялик футболчининг клуб билан амалдаги шартномаси 2029 йилнинг ярмигача мўлжалланган.
