"Наполи" бош мураббийи Антонио Конте А Серия 15-туридан ўрин олган "Удинезе"га (0:1) қарши ўйиндаги мағлубият ҳақида фикр билдирди.
Мутахассис муваффақиятсиз натижа сабабларини кўрсатиб ўтди. Конте жамоа ишлашда давом этишини маълум қилди.
"Биринчи бўлимда "Удинезе" бирор марта ҳам дарвозага зарба бермади ва бундан яхшироқ фойдаланишимиз мумкин эди. Иккинчи тайм умуман бошқача ўтди.
Йигитларда қўрқув пайдо бўлди ва бу сезилиб турарди. Кейин бизнинг иккита гол бекор қилинди. Биз ҳаддан ташқари асабийлашдик, кўп ишлашимизга тўғри келади - қийин пайтларда яхшироқ бўлишимиз керак. Бундай вазиятлардан чиқиб кета олиш керак," - дея қайд этди Конте.
