Германиялик дарвозабон Марк-Андре тер Штеген қишки трансферлар вақтида Каталониянинг "Барселона" клубини тарк этиши мумкин. Бу ҳақда ижтимоий тармоқлар орқали инсайдер Экрем Конур хабар берди.

Журналистнинг ёзишича, дарвозабонни Истанбулнинг "Бешиктош" клуби ўз сафига қўшиб олмоқчи. Турклар "кўк-анорранглилар"га 33 ёшли футболчини ижарага олиш бўйича таклиф билан чиқди. Тер Штеген эса Ла Лигадан мавқеи пастроқ чемпионатга ўтишни истамаяпти.

Марк-Андре "Барселона" сафида 2014 йилнинг ёзидан буён тўп тепиб келмоқда. Дарвозабоннинг Каталония топ-клуби билан меҳнат шартномаси 2027/2028 йилги мавсум якунида ўз ниҳоясига етади. Немиснинг трансфер нархи етти миллион еврога баҳоланмоқда.