Нидерландиялик афсонавий собиқ футболчи Марко ван Бастен "Алавес"нинг Мадриднинг "Реал" клубига қарши ўйинида пенальти белгиланмагани ҳақидаги фикрлари билан ўртоқлашди.
Учрашувнинг 88-дақиқасида Винисиус Жуниор жарима майдони ичида йиқилиб тушган вазиятда ҳакам қоидабузарликни қайд этмади. Вазият кўплаб баҳс-мунозараларга сабаб бўлди: учрашув якунлангач, "қаймоқранглилар" вакиллари ҳакамнинг қароридан очиқчасига норозилик билдиришди. Ван Бастен бундай нуқтаи назарга қўшилмайди.
"Бу пенальти эмас. Ҳа, контакт бор эди, лекин Винисиус бу контактни кутган эди ва унга тегиб кетишганини ҳис қилгандан сўнг, майдонга жуда ошкорона йиқилди. Унинг ҳақиқатан ҳам рақиб зарбасидан йиқилганига ишониш қийин," - дея нидерландияликнинг сўзларини келтиради The Touchline.
Учрашув Хаби Алонсо жамоасининг 2:1 ҳисобидаги ғалабаси билан якунланди.
