"Тоттенхэм" якшанба куни сафарда "Ноттингем Форест"га 0:3 ҳисобида имкониятни бой берди.
Ўйиндан сўнг Лондон клубида жамоа бош мураббийи Томас Франкнинг келажаги муҳокама қилинди.
The Athletic хабарига кўра, учрашув якунида "Тоттенхэм" раҳбарлари Франкни қўллаб-қувватлашини билдирган. Лондон клуби босслари Франкка вақт бериш керак деб ҳисобламоқда.
"Тоттенхэм" Англия чемпионати турнир жадвалида 11-ўринда бормоқда. Франк жамоаси кейинги ўйинни 20 декабрь, шанба куни "Ливерпуль"га қарши ўтказади.
Томас Франк ёзда "Тоттенхэм"ни қабул қилди. Бунгача мутахассис "Брентфорд" бошқарувида ўзини яхши кўрсатганди.
