"Барселона" ҳимоя чизиғини мустаҳкамламоқчи. Sky Germany нашри тарқатган хабарга кўра каталонияликлар Дортмунднинг "Боруссия" клубидан Юлиан Рюэрсонга қизиқиш билдирмоқда. Норвегиялик футболчи универсаллиги билан ажралиб туради - у ҳам ўнг, ҳам чап қанот ҳимоясида ўйнай олади.
Манбага кўра, "Барселона"нинг Рюэрсон вакиллари билан дастлабки музокаралари аллақачон бўлиб ўтган.
Эслатиб ўтамиз, 28 ёшли Юлиан Рюэрсоннинг "Боруссия" билан амалдаги шартномаси 2028 йилнинг ярмигача мўлжалланган. Нуфузли "Transfermarkt" портали мутахассислари футболчини 20 миллион еврога баҳоламоқда.
