"Борнмут" бош мураббийи Андони Ираола "Манчестер Юнайтед"га қарши кечган (4:4) фантастик ўйин ҳақида фикрларини билдирди.
"Тушунтиришим қийин. Бетараф томошабин учун ўйин қизиқарли бўлди деб ўйлайман. Унда ҳамма нарса бор эди. Ҳаммаси тамом бўлди деб ўйлаган пайтларингиз бўлган. Бунинг акси ҳам бўлди. Натижа - бир очко. Кам, лекин ҳеч нарсадан кўра яхшироқ," - дея Ираоланинг сўзларини келтиради BBC Sport.
"Борнмут" Англия чемпионати турнир жадвалида ўн учинчи ўринда бормоқда.













