"Депортиво Гвадалахара" бош мураббийи Пере Марти Испания кубоги доирасида "Барселона"га қарши ўйин олдидан жамоа майдонидаги ҳолат ҳақида гапирди.
Испания 3-дивизиони жамоаси мусобақанинг 1/16 финалида "блауграна"ни қабул қилади. Учрашув 16 декабрь куни бўлиб ўтади. Марти дисквалификация туфайли мураббийлар ўриндиғидан ўз шогирдларини бошқара олмайди.
"Мен ҳалол бўлишим керак. Ҳозир бу майдон ҳолати бўйича дунёдаги энг яхши стадион эмас.
Бу борада кўп қийинчиликларга дуч келдик, гарчи уни мукаммал қилиш учун қўлимиздан келганини қилсак ҳам. Бу "Камп Ноу" ёки "Саньтяго Бернабеу" эмас.
Очиғини айтайлик, биринчи навбатда ўзимизнинг ўйин услубимиз ва футболчиларимиз туфайли майдон яхши ҳолатда бўлишини хоҳлаймиз", - деди Пере Марти.
