"Манчестер Юнайтед"нинг собиқ ҳужумчиси Уэйн Руни "Челси" бош мураббийи Энцо Маресканинг сўзларига изоҳ берди.
Мутахассис АПЛда "Эвертон"га (2:0) қарши ўйиндан сўнг шундай деди: "Охирги 48 соат клубга келганимдан бери энг ёмони бўлди. Кўпчилик мени ҳам, жамоани ҳам қўллаб-қувватламади".
"Менинг фикримча, бу Муҳаммад Салоҳ билан боғлиқ вазиятга жуда ўхшайди, ўшанда ҳамма нарса пухта режалаштирилган эди.
Мареска нима деяётганини ва кимга мурожаат қилаётганини аниқ билган, "Челси" раҳбарияти ва хўжайинлари эса, бу айнан уларга қаратилганини билишади.
Клуб эгаларини ҳурмат қилиш керак. Улар сени таклиф қилишди ва ишга олишди, шунинг учун улар қоидаларни ўрнатишади ва менимча, Энцо уларни бузди.
У қилган ишидан кейин энди уни ҳимоя қилишади деб ўйламайман. Клуб уни ҳимоя қилиши жуда қийин бўлади", - дейди Уэйн Руни.
