Мадриднинг "Реал" клуби жорий мавсумда жамоа бош мураббийи Хаби Алонсони истеъфога чиқариши мумкин. Агар шундай бўлса, "қироллик клуби"да шошилинч захира варианти бор.
AS журналистларига кўра, "қаймоқранглилар"ни айни дамда Мадрид грандида спорт директори лавозимини эгаллаб турган Сантьяго Солари бошқариши мумкин.
Аввалроқ матбуотда Зинедин Зидан ва Юрген Клопп номзодлари муҳокама қилинганди.
Алонсо ўтган ёзда "Реал" бошқарувини ўз қўлига олди. Унинг аввалги иш жойи Леверкузеннинг "Байер" клуби бўлган.
Бугунги кунга келиб, Мадрид жамоаси 39 очко билан Ла Лига турнир жадвалида 2-ўринни эгаллаб турибди.
