Россиялик мутахассис Владимир Манцев Ўзбекистон терма жамоаси ва "Манчестер Сити" ҳимоячиси Абдуқодир Ҳусановнинг имкониятларини баҳолади, деб ёзади Sports.kz "Myach Show" YouTube-каналига таяниб.

«Қулоқ солинг, у жуда супер истеъдодли ҳимоячи, аммо, афсуски, ҳозирча "Манчестер Сити" унга унчалик мос келмаяпти. У "Ланс"да ўйнаб, маълум ютуқларга эришган, аммо "Манчестер Сити"га келганингда босим энг юқори даражада бўлади.

Гвардиола уни марказий ҳимоячи сифатида синаб кўрди ва у ҳозирча бу вазифани бажара олмаётганини тушунди. Қанот ҳимоячиси сифатида ҳам кўриб чиқди — олдинги ҳаракатларда ижодкорлик етишмайди. Тезлиги бор, албатта. Винисиусни қувиб етган эпизодни эслайсиз. Аммо "Манчестер Сити"да ўйнаш учун майдондаги фикрлаш, яъни "бош билан ўйнаш" етишмаяпти. Чунки у ерда ақлли футбол ўйнайдиганлар жамланган.

Ростини айтсам, мен уни "ўртача" ёки “истеъдодсиз” тоифасига қўйиш ҳақида ўйладим. Лекин менинг яқин дўстим Ўзбекистон фуқароси, шунинг учун "иқтидорсиз" деган тоифага қўйсам, барча ўзбеклар менга қарши чиқади. Ростдан ҳам, мени "сочиб ташлашга" тайёр бўлишади. Аммо барибир мен кўпроқ “истеъдодсиз” деган фикрга мойилман.

Дўстлар, ҳаммаси яхши бўлади. Лекин, афсуски, у "иқтидорсиз" тоифасига тушади», - деди Манцев.

Эслатиб ўтамиз, Ҳусанов "Манчестер Сити" сафига шу йилнинг январь ойида Франциянинг "Ланс" клубидан кўчиб ўтган эди. У жорий мавсум "шаҳарликлар" сафида 8 та ўйинда майдонга тушди.