Мюнхеннинг "Бавария" клуби устози Венсан Компани 2025 йил якунларига кўра, энг яхши бельгиялик мураббий деб топилди. Бу ҳақда немис топ-клуби матбуот хизмати хабар бермоқда.

"Бу мен учун катта шараф. Энг яхши мураббий мукофоти мен учун катта аҳамиятга эга, чунки уни ажойиб мутахассислар қўлга киритган," - дея мутахассиснинг сўзларини келтиради клуб расмий сайти.

Компани ўтган йили "Бавария" бошқарувчиси лавозимини эгаллаб, 2029 йил июнь ойи охиригача меҳнат шартномасини имзолаган эди. 2024/2025 йилги мавсумда мюнхенликлар бельгиялик мутахассис қўл остида Бундеслига чемпиони ва мамлакат суперкубоги соҳибига айланди.