"Манчестер Сити" яқин келажакдаги трансфер мақсадини белгилаб олди. Клуб "Кристал Пэлас" ҳимоячиси Марк Гехини ўз сафига қўшиб олмоқчи.
Футболчи "Ливерпул"га ўтишни режалаштирган эди. Бироқ келишув барбод бўлди. Музокаралар қайта бошланиши мумкин, аммо уларнинг муваффақият қозониш эҳтимоли паст. Айнан шу вазиятдан "Манчестер Сити" фойдаланиб қолмоқчи.
Гехининг "Кристал Пэлас" билан шартномаси 2026 йилнинг ёзигача мўлжалланган. "Шаҳарликлар" Маркни эркин агент сифатида ўз сафига қўшиб олмоқчи.
Аввалроқ, Гехи учун "Реал", "Бавария", "Барселона" ва "Ювентус" клублари ҳам даъвогарлик қилаётгани хабар қилинганди.
