The Best FIFA Football Awards тақдирлаш маросими 16 декабрь, сешанба куни бўлиб ўтади. Тадбир Қатар пойтахти Доҳада бўлиб ўтади ва Тошкент вақти билан соат 22:00 да бошланади.

Мукофот доирасида миллий терма жамоа сардорлари ва мураббийлари, журналистлар ва мухлислар 2024 йил августидан 2025 йил августигача бўлган даврда эркаклар ва аёллар ўртасида йилнинг энг яхши футболчиси, мураббийи ва рамзий терма жамоаси, дарвозабони ва гол муаллифига овоз беради.

Энг яхши мураббий совринига даъвогарлар рўйхатидан Хавьер Агирре (Мексика терма жамоаси), Микель Артета ("Арсенал"), Луис Энрике ("ПСЖ"), Ханс-Дитер Флик ("Барселона"), Энцо Мареска ("Челси"), Роберто Мартинес (Португалия терма жамоаси) ва Арне Слот ("Ливерпуль") ўрин олган.