Дортмунднинг "Боруссия" клуби вингери Карим Адейеми қиз дўсти туфайли клубини тарк этади.

Bild нашрининг ёзишича, футболчининг ҳамроҳи ва таниқли рэпер Лоредана Сефи саноатлашган Дортмундда яшашдан зериккан. Айнан шу туфайли швейцариялик қиз Адейемидан келажакда жамоасини ўзгартиришни сўради, чунки у Европанинг йирик шаҳрида яшашни хоҳлайди.

Манбанинг таъкидлашича, Адейеми қизнинг талабларига мос келадиган янги клуб топиш учун аллақачон агентини алмаштирган. Ўтган йилнинг ноябрь ойида Карим ўтиши мумкин бўлган учта жамоа номи маълум қилинганди.

У жорий мавсумда "Боруссия" сафида олтита гол ва бешта голли узатмага муаллифлик қилган.