"Челси" Англия Лига Кубоги 1/4 финалидан ўрин олган "Кардифф Сити"га қарши баҳсда 3:1 ҳисобида ғалаба қозонди. Ўйин Кардиффдаги стадионда бўлиб ўтди.

Биринчи бўлимда гол урилмади. Иккинчи бўлим бошида лондонликлар ҳужумчиси Алехандро Гарначо ҳисобни очди. 75-дақиқада мезбонлар ярим ҳимоячи Давид Тернбуллнинг голи эвазига жавоб қайтарди. Ўйин охирида ғалаба голини "кўклар"нинг бразилиялик ҳужумчиси Педру Нету киритди. Ҳакам томонидан қўшиб берилган дақиқаларда Гарначо дубль қайд этиб, якуний ҳисобни ўрнатди.

"Челси"нинг ярим финалдаги рақиби қуръа натижаларига кўра аниқланади. Шунингдек, чорак финалда "Манчестер Сити" - "Брентфорд" (17 декабрь), "Ньюкасл" - "Фулхэм" (17 декабрь) ва "Арсенал" - "Кристал Пэлас" (23 декабрь) ўйинлари бўлиб ўтади.

Кардифф - Челси - 1:3

Голлар: Гарначо, 57 (0:1). Тернбулл, 75 (1:1). Педру Нету, 82 (1:2). Гарначо, 90+3 (1:3)

Челси: Йергенсен, Адарабиойо, Бадиашиле, Хато, Ачимпонг (Чалоба, 84), Сантос, Кайседо, Буонанотте (Гюсто, 66), Гиттенс (Педру Нету, 66), Джордж (Жоао Педро, 46), Гиу (Гарначо, 46)

Огоҳлантириш: Кайседо, 45