"Chelsi" Angliya Liga Kubogi 1/4 finalidan o‘rin olgan "Kardiff Siti"ga qarshi bahsda 3:1 hisobida g‘alaba qozondi. O‘yin Kardiffdagi stadionda bo‘lib o‘tdi.

Birinchi bo‘limda gol urilmadi. Ikkinchi bo‘lim boshida londonliklar hujumchisi Alexandro Garnacho hisobni ochdi. 75-daqiqada mezbonlar yarim himoyachi David Ternbullning goli evaziga javob qaytardi. O‘yin oxirida g‘alaba golini "ko‘klar"ning braziliyalik hujumchisi Pedru Netu kiritdi. Hakam tomonidan qo‘shib berilgan daqiqalarda Garnacho dubl qayd etib, yakuniy hisobni o‘rnatdi.

"Chelsi"ning yarim finaldagi raqibi qur’a natijalariga ko‘ra aniqlanadi. Shuningdek, chorak finalda "Manchester Siti" - "Brentford" (17 dekabr), "Nyukasl" - "Fulxem" (17 dekabr) va "Arsenal" - "Kristal Pelas" (23 dekabr) o‘yinlari bo‘lib o‘tadi.

Kardiff - Chelsi - 1:3

Gollar: Garnacho, 57 (0:1). Ternbull, 75 (1:1). Pedru Netu, 82 (1:2). Garnacho, 90+3 (1:3)

Chelsi: Yergensen, Adarabioyo, Badiashile, Xato, Achimpong (Chaloba, 84), Santos, Kaysedo, Buonanotte (Gyusto, 66), Gittens (Pedru Netu, 66), Djordj (Joao Pedro, 46), Giu (Garnacho, 46)

Ogohlantirish: Kaysedo, 45