"Барселона" бош мураббийи Ханс-Дитер Фликнинг Испания Кубогидаги ғалабадан кейинги матбуот анжумани жуда қисқа бўлди.

Каталонияликлар сафарда "Депортиво Гвадалахара" жамоасини 76- ва 90-дақиқаларда Андреас Кристенсен ҳамда Маркус Рэшфорднинг киритган голлари эвазига мағлуб этди. Беллашув ярим соатлик кечикиш билан бошланди ва мураббийнинг ўйиндан кейинги журналистлар билан суҳбатини қисқартиришга тўғри келди. Barca Universal хабарига кўра, Флик матбуот анжуманида бор-йўғи учта саволга жавоб берган. Бу вақтда "кўк-анорранглилар" футболчилари аллақачон клуб автобусида мураббийни кутиб туришган эди.

21 декабрь, якшанба куни "Барселона" Ла Лига доирасида "Вильярреал" меҳмони бўлади.