"Борнмут" бош мураббийи Андони Ираола "Манчестер Сити" шорт-листидан жой олди. Ушбу маълумот TEAMtalk томонидан эълон қилинди.
Манбага кўра, "Манчестер Сити" Андони Ираолани диққат билан кузатиб бормоқда ва уни Хосеп Гвардиоланинг эҳтимолий вориси сифатида кўрмоқда. Бироқ, "шаҳарликлар" Гвардиоланинг яқин орада клубни тарк этишини кутмаяпти.
Таъкидланишича, инглиз гранди босслари нафақат Ираола, балки "Бавария" вакили Венсан Компани номзодини ҳам кўриб чиқмоқда.
Гвардиола "Манчестер Сити"ни 2016 йилдан буён бошқариб келмоқда. Унинг клуб билан амалдаги шартномаси 2026/27 йилги мавсум охиригача мўлжалланган.













