Бразилиянинг «Атлетико Минейро» клуби яримҳимоячиси Роналдиньо фаолиятини Туркиянинг «Бешиктош» жамоасида давом эттиришга жуда яқин турибди. Бу ҳақда «Milliyet» нашри хабар тарқатди.
Манбанинг маълум қилишича, кеча футболчининг акаси ва агенти Роберто де Ассиш Истанбулга келган ва турк клуби билан шахсий шартнома шартларини келишиб олиш учун музокара ўтказмоқда.
Маълумот ўрнида, ўтган ҳафтада Роналдиньо Либертадорес Кубогида ғалабага эришиб, камёб натижа қайд этди. У Либертадорес Кубогидан ташқари Чемпионлар лигаси ва жаҳон чемпионатида ҳам ғалабага эришиб, «Олтин тўп»ни қўлга киритган ягона футболчи бўлиб турибди.