"Манчестер Сити" марказий ҳимоячиси Натан Аке қишки трансферлар вақтида клубини ўзгартириши мумкин.
ElDesmarque нашри тарқатган хабарга кўра 30 ёшли нидерландиялик футболчига Мадриднинг "Атлетико" клуби қизиқиш билдирмоқда. "Матрасчилар" январь ойида Акени сотиб олиш опцияси билан ижарага олмоқчи.
Аке 2020 йилда "Манчестер Сити" футболчисига айланганди. Жорий мавсумда у Хосеп Гвардиоланинг биринчи танлови эмас, шунинг учун у барча турнирларни ҳисобга олган ҳолда атиги 14 та учрашувда майдонга тушди.
Акенинг "шаҳарликлар" билан амалдаги меҳнат шартномаси 2027 йилнинг ёзига қадар мўлжалланган.













