"Челси"нинг собиқ сардори Жон Терри Тьяго Силва клубига қайтишини истамоқда. 41 ёшли бразилиялик футболчи "Флуминенсе"ни тарк этиб, 2026 йилги жаҳон чемпионатига Бразилия терма жамоаси билан бориш умидида Европада яна бир бор куч синашга қарор қилди.
"Тьяго Силва бозорда мавжуд! У жуда тажрибали, клубимиз билан яхши муносабатда, икки фарзанди "Челси" академиясида шуғулланади. Агар у яна бизнинг шарафимизни ҳимоя қилса, хурсанд бўлардим," - дея Террининг мурожаатидан иқтибос келтиради Transfer News Live.
Тьяго Силва 2024 йилнинг ёзида "Челси"ни "Флуминенсе"га алмаштирди. У тўрт йил давомида Лондон гранди шарафини ҳимоя қилган.
