Москванинг ЦСКА клуби яримҳимоячиси Кейсуке Хонда «Милан»га қишда эмас, ёзги трансферлар бозори ёпилгунига қадар ўтиш учун маоши қисқартирилишига ҳам рози бўлди. Бу ҳақда твиттерда «Милан» ҳақида хабарлар бериб борувчи аккаунт маълум қилган.
Япония терма жамоасининг 27 ёшли яримҳимоячиси аввалига италияликлар билан йилига 2,5 миллион евро маошга келишиб олганди. Аммо москваликлар футболчининг траснфер қийматини 5 миллиондан 3 миллионга қадар туширилишига рози бўлмагач, Хонда «Милан»да йилига 1,8 миллион евро маош олишга розилик билдирган.
Юқорида номи келтирилган манбада ёзилишича, бугун футболчининг акаси ва агенти «Милан» раҳбарияти билан учрашади ва шахсий шартнома имзолашлари кутилмоқда.
Эслатиб ўтамиз, Хонда шу йилнинг декабр ойи сўнггига қадар ЦСКАда қолса, эркин агент мақомида бошқа жамоага ўтиши мумкин бўлади.