"Реал" яна ғалаба қозонишга муваффақ бўлди.
Испания Кубогининг 1/16 финалида мадридликлар сафарда "Талавера"ни (3:2) мағлуб этди.
Бу "қаймоқранглилар"нинг Чемпионлар Лигасида "Манчестер Сити" (1:2) ва Ла Лигада "Сельта"дан (0:2) учралган мағлубиятлардан кейинги кетма-кет иккинчи ғалабаси бўлди. Якшанба куни "Алавес" ҳам мағлуб этилди (2:1).
20 декабрь куни Хаби Алонсо жамоаси Испания чемпионатининг 17-турида "Севилья"ни қабул қилади.
Эслатиб ўтамиз, "Мадрид"нинг икки мағлубиятидан сўнг, "Реал" вазиятни ўнглаш учун бош мураббий Алонсога учта ўйин бергани ҳақида хабарлар тарқалган эди.













