"ПСЖ" бош мураббийи Луис Энрике "Фламенго"га (1:1, пен. - 2:1) қитъалараро кубок финали ҳақида гапирди.

"Тўғрисини айтсам, "Фламенго"га қарши жуда яхши ўйинни кўрдик. Жуда қийин бўлди, аммо ўйин сифати ва футболчиларнинг менталитети юқори даражада эди ва бу руҳни кўриш жуда ёқимли эди. Биринчи бўлимни жуда яхши ўтказдик, ўйинни яхши назорат қилдик, прессинг қила олдик, аммо пенальтидан кейин ўйин янада мувозанатли ва мураккаблашди. "Фламенго"ни нафақат бугунги ўйин билан, балки мавсум билан ҳам табриклашим керак.

Олтита соврин ёмон эмас (жилмаяди). Доҳага қайтиш биз учун ҳар доим алоҳида воқеа. Биз ҳар сафар бу ерда бўлганимизда бахтли бўламиз. Бу ғалаба келаси йили футболкамизда яна битта нишон бўлишини англатади. Ўтган мавсумдаги каби кайфиятни яна бир бор намойиш этдик. Таътилга 1 та Франция кубоги ўйини қолди. Шундан кейин ҳам мақсадимиз ўша-ўша - ғалаба қозонишда давом этиш ва энг яхши футболимизни намойиш этиш", - дея Энрикенинг сўзларини келтиради Canal Supporters.