Мадриднинг "Реал" клуби дарвозабони Андрей Лунин жамоа бош мураббийи Хаби Алонсо ҳақидаги саволларга жавоб берди.
Испаниялик мураббий ишдан бўшатилиш арафасида турибди, аммо ҳозирча ишни давом эттирадиган кўринади. Чоршанба куни мадридликлар Испания Кубогида "Талавера"ни мағлуб этишди (3:2). Лунин "қаймоқранглилар" сафида асосий таркибда майдонга тушди.
"Менинг сўнгги дақиқалардаги сэйвим Хабини ишдан бўшатилишдан сақлаб қолдими? Мен бундай фикрламайман - шунчаки ўз ишимни бажараман. Мураббийга тўлиқ ишонамиз, унга шубҳам йўқ. Алонсо - клуб афсонаси, у катта ҳурматга сазовор. Унинг ғоялари ва ўйин услубига кўникиш қолди, холос," - дея 26 ёшли дарвозабоннинг сўзларини келтиради Madrid Zone.
"Реал" шанба куни Ла Лига доирасида "Севилья"га қарши баҳс олиб боради.
